PROVINCE OF BOHOL-Naluwas sa rescue operation ang tulo ka mga batan-on nga natanggong sulod sa Tubang Cave Spring sa lungsod sa Antequera sa Bohol Biyernes sa gabii, Hunyo 28, 2024.
Sa pakighinabi sa Bombo Newsteam kang Police Staff Sergeant (PSSGT) Harold Daraman, ang Desk Officer sa Antequera Municipal Police Station, nga adunay lima ka mga batan-on ang nisulod sa langub mga alas 6 sa hapon ug ang duha nakagawas ug una.
Sa dihang nakagawas na ang duha mga 14-minutos ang milabay, wala pa migawas ang laing tulo, hinungdan nga nabalaka sila ug ni-report sa buhatan sa Police Station.
Daling nitubag ang kapulisan sa naasoy nga nahitaboan kauban ang mga rescue personnel, ug Philippine Coast-Guard hinungdan nga alas 8 sa gabie unang na-rescue ang duha ka mga bata.
Samtang ang usa ka batang babaye 1:20 na sa kadlawon usa na rescue sa Philippine Coast-Guard.
Human sa walo ka oras nga pag rescue daling gidala sa tambalan ang katapusang biktima sanglit luya na kini gumikan sa katugnaw ilawom sa langob.
Apan subo lang pamalandungon nga sa wala pa maabot ang mga rescuer ni risgo ang magulang sa biktima.
Kini tungod sa iyang kabalaka nga iya nalang manghud ang nabilin giingung nasuhito kini sa terrain kay nakasulud na siya sa maong langob.
Basi sa post ni Municipal councilor Johnny ‘Sniper’ Coquilla, nga ni assist ang PNP ug BFP ug gihiktan ang iyang lawas ug gihatagag instruction sa mga personahe sa BFP Antequera kun unsay iyang buhaton.
Matud sa biktimang babae nga Menor de edad, nag abot pa sila sa iyang maguwang sa ilawom sa langob gibira siya niini aron mosawom pagawas, apan nahutdan ug ginhawa ang babae hinungdan nga mibalik kini pasaka sa tubig ug sa wala damha nakabsan sa ginhawa ang magulang nga lalaki nga ni risgo sa iyang kinabuhi pag luwas sa iyang manghud.
Milanat sa upat ka minutos kapin sulod sa ilawom sa langob ang magulang hinungdan nga gibira na kini pabalik apan wala nay kinabuhi.
Gisuwayan kini pag CPR kauban ang PNP, Alert ug BFP ug gidali kining gidala sa tambalan apan gideklara sa Doctor nga Dead On Arrival.
Sa laing bahin magduso ug resolution ang Local Government Unit sa Sangguniang Bayan sa Temporaryo or permamenteng pag dili sa pagpangaligo sa mga kabataan sa Tubag Cave and Spring human sa maong insidente.
