Kapin sa usa ka buwan human gianunsyo ni US President Donald Trump ang ceasefire sa Gaza, usa sa mga importanteng bahin sa iyang 20-point peace plan, ang pagmugna og multinational force aron mabalik ang kahusay sa naguba nga teritoryo kay wala pa gihapon mapatuman.
Sumala sa plano, ang International Stabilization Force (ISF) ipadala dayon aron bansayon ang mga pulis sa Palestine aron masiguro ang seguridad sa mga utlanan sa Israel ug Egypt aron mapugngan ang pagsulod sa mga armas, ug motabang sa pag-atras sa mga tropa sa Israel gikan sa Gaza.
Apan hangtod karon, wala pay nasud nga pormal nga nagkumpirmar sa ilang partisipasyon. Ang mga potensyal nga miyembro sa ISF gusto og mas klaro nga mandato ug mga pasalig sa seguridad, labi na kay ang Gaza nagpabilin nga nagkagubot ug ang Hamas wala pa mag-disarm.
Sumala sa mga report, ang ubang mga nasud nangayo nga ang pagpadala sa pwersa sa temporaryong panahon, hangtod nga ang Palestinian Authority hingpit nga makahupot sa gahum. Ang uban nanawagan usab alang sa usa ka resolusyon sa United Nations Security Council o usa ka internasyonal nga mandato aron himuong lehitimo ang operasyon.
Samtang, ang US Secretary of State nga si Marco Rubio miingon nga ang Washington karon nagtrabaho sa “just legal framework” aron tugotan ang mga nasud nga moapil ubos sa usa ka internasyonal nga kasabutan.
