Miabot sa Japan ang Crude oil nga gipalit gikan sa Estados Unidos sa Japanese oil distributor nga Cosmo Oil Co., diin kini ang unang higayon isip alternatibong suplay, nunot sa pagsugod sa mga pag-atake sa US sa Iran sa ulahing bahin sa Pebrero.
Usa ka tanker nga nagdala og 910,000 ka bariles sa krudo nga lana sa US ang miabot sa usa ka offshore jetty sa Tokyo Bay niadtong domingo sa buntag taliwala sa mga kabalaka sa suplay tungod sa de facto blockade sa Strait of Hormuz, usa ka importanteng chokepoint sa pagpadala sa lana.
Basi sa taho nga ang tanker mibiya gikan sa usa ka pantalan sa Texas sa katapusan sa Marso ug miabot sa Japan pinaagi sa Panama Canal human sa usa ka biyahe sulod sa usa ka buwan.
Ang krudo ipadala pinaagi sa usa ka undersea pipeline nga konektado sa jetty ngadto sa Chiba refinery sa Cosmo Oil, usa ka subsidiary sa Cosmo Energy Holdings Co., diin kini i-refine ngadto sa mga produkto sa petrolyo sama sa gasolina ug i-supply sa merkado.
Nasayran usab nga nagplano ang Japan nga dugangan ang mga import gikan sa mga ruta sa Middle East nga moagi sa Strait of Hormuz, ingon man gikan sa North America, Central ug South America, ug Central Asia. Ang pagpalit niini gikan sa Estados Unidos gilauman nga mo-upat ka pilo matag tuig sa Mayo.
