Temporaryong gipahunong sa US federal judge ang plano nga pagdeport sa mga migrante sa Asia, lakip ang mga Pilipino, sa Libya.
Matod ni Judge Brian Murphy, ang kinabuhi sa mga migrante mahimong mabutang sa peligro kung ipadala sa usa ka nasud nga adunay nagpadayon nga kagubot ug paglapas sa tawhanong katungod.
Gikataho nga ang eroplano sa militar sa Estados Unidos gamiton sa pag-deport sa mga ilegal nga migrante, apan ang gobyerno sa Libya nanghimakak nga kini adunay kasabutan sa America.
Gipasidan-an ni Judge Murphy nga ang Department of Homeland Security dili makadelegar sa mga katungdanan niini sa ubang mga ahensya, lakip ang militar ug matod niya, ang deportasyon usa ka dayag nga paglapas sa iyang mando.
Ang Libya karon gibahin sa duha ka mga gobyerno ug nag-atubang sa nagpadayon nga panagbangi sukad sa 2011.
