Gihunong sa Amerika ang halos tanan nga foreign aid sumala sa usa ka internal memo nga gipadala sa mga opisyal ug mga embahada sa US sa lainlaing mga nasud.
Kini nunot sa executive order nga gi-isyu ni US President Donald Trump alang sa 90 ka adlaw nga pagsuspenso sa foreign development assistance samtang naghulat sa usa ka pagtuon sa efficiency ug consistency niini sa foreign policy ni Trump.
Gikonsiderar ang America nga pinakadako nga internasyonal nga nagdonar sa tabang sa kalibutan, diin naggasto og $68 bilyon sa 2023.
Busa, ang pagsuspinde sa langyaw nga tabang gikan sa US gilauman nga makaapekto sa tanan gikan sa tabang sa kalamboan hangtod sa tabang militar.
Bisan kung adunay mga exceptions niini lakip ang emerhensiyang tabang sa pagkaon ug pondo sa militar alang sa Israel ug Egypt.
Ang nag-leak nga memo nag-ingon usab nga walay bag-ong pundo nga igahin alang sa mga bag-ong awards o extension sa kasamtangan nga mga awards hangtud nga ang matag gisugyot nga bag-ong award o extension hingpit nga masusi ug maaprobahan.
Nagmando usab ang executive order ni Trump sa usa ka komprehensibo nga pagrepaso sa tanan nga langyaw nga tabang, nga kinahanglan makompleto sa sulod sa 85 ka adlaw, aron masiguro nga ang naasoy nga tabang nahisubay sa mga katuyoan sa palisiya sa langyaw ni Trump.