Mikabat og P28 milyones o $500,000 nga kantidad sa humanitarian supplies ug logistical support ang gihatag sa Estados Unidos sa Pilipinas alang sa mga katagilungsod nga grabeng naapektuhan sa Bagyong Julian.
Ang maong tabang pangunahan sa United States Agency for International Development (USAID) nga maghatag og emergency shelter, tubig, sanitation ug hygiene support.
Mokabat sa 4,000 ka pamilya o anaa sa 16,000 ka mga tawo ang mahatagan og hinabang gikan sa Amerika.
Sumala sa US Embassy sa Pilipinas, sukad niadtong Oktubre 7, ang US Department of Defense nagpalihok sa military assets aron sa paghatag og logistical support sa Armed Forces of the Philippines ug sa personnel sa Office of the Civil Defense sa transportasyon sa humanitarian supplies gikan sa Manila hangtod sa Batanes.
Gipasalig ni US Ambassador Marykay Carlson ang tabang sa America sa mga naapektuhan sa Hurricane Julian.//
Ingon man nga padayon sa gihapon ang pakigkontak sa mga US ngadto sa ilang mga higala ug kaubang Pilipino aron motabang sa pag-apod-apod sa humanitarian aid.
Mapasigarbuhon ang US nga sukad niadtong 2010 midonar na sila og P21.8 Billion o katumbas sa $388 million sa Pilipinas alang sa disaster response, preparedness and recovery.
