Gitawag ni US President Joe Biden nga “dangerous precedent” ug nakaguba sa rule of law ang desisyon sa US Supreme Court kang kanhi Presidente Donald Trump nga partial immunity nga iyang giatubang.
Sa usa ka pahayag, gipahibalo ni Biden nga ang nasangpit nga hukom usa ka makalilisang nga pag-alagad alang sa mga Amerikano.
Giingon usab niini nga ang America gitukod sa prinsipyo nga ang tanan managsama sa atubangan sa balaod.
Ug walay usa nga labaw sa balaod, bisan ang presidente sa Estados Unidos.
Samtang, gihisgutan usab ni US President Biden ang pagpadala ni Trump sa mga tawo sa Kapitolyo sa US nga nagresulta sa pag-atubang niya sa usa ka posible nga kriminal nga kombiksyon sa nahitabo kaniadtong Enero 6.
Matod pa niya nga ang katawhan sa Amerika angayan nga tubagon sa korte kalabot sa maong kaso sa dili pa ang umaabot nga US Presidential election.
Apan matod niya tungod sa desisyon sa korte dako ang posibilidad nga dili kini mahitabo.
Giinsistir usab ni Biden nga iyang gitahod nga ang gahum sa Presidente sa Amerika limitado ug dili hingpit sa iyang pamunoan sa miaging tulo ug tunga ka tuig.
