Gi-postpone ni US President Donald Trump ang pagpahamtang sa mga taripa sa mga produkto gikan sa Canada ug Mexico.
Ang lakang nagsunod sa mga pakigpulong tali ni Trump ug Presidente sa Mexico nga si Claudia Sheinbaum ug negosasyon tali sa mga opisyal sa Canada ug US.
Mipahayag ang Amerikanong Presidente nga ang duha ka mga nasud nagkauyon nga dili mobayad sa taripa base sa United States-Mexico-Canada Agreement.
Ang mga taripa ipatuman nalang sa Abril 2 sumala ni Trump.
Ang United States-Mexico-Canada Agreement mao ang kasabutan nga gipasiugda ni Trump sa iyang unang termino.
Kini nagpasabot nga ang tulo ka mga nasud sa North America kay usa ka free trade zone.
Gipasalamatan ni Sheinbaum si Trump sa pagrespeto sa United States-Mexico-Canada Agreement, nga iyang giinsistir nga maglakip sa tanan nga mga produkto gikan sa Mexico.
