Nagpadayon ang tensiyon sa Strait of Hormuz human ang US ug Iran nagbinayloay og mga pag-atake sa katapusang semana sa buwan sa Mayo.
Gitaho sa US Central Command nga naglunsad kini og “self-defense strikes” batok sa Iranian radar ug drone sites sa Goruk ug Qeshm, samtang ang Islamic Revolutionary Guard Corps sa Iran mitubag pinaagi sa pagpamusil sa usa ka base nga gigamit sa US.
Ang Kuwait usab mitaho nga nakasalo kini og “hostile” nga missiles ug drones ug mikondenar sa “grabe ug balik-balik nga Iranian attacks.” Samtang ang White House wala pa motubag sa mga taho nga si US President Donald Trump nangayo og kausaban sa mga termino sa negosasyon, lakip na ang subling pag-abli sa Strait of Hormuz ug pagtangtang sa highly enriched uranium.
Mi-kritika ang Iran sa US, pinaagi sa iyang foreign ministry nga nag-usab-usab sa mga kondisyon kansa makapabalda sa negosasyon, samtang nagpabilin nga dili kini mouyon sa deal gawas kung masiguro ang katungod sa Iran.
