ARGAO, CEBU-Nahimong trahedya ang init nga panaglalis sa bangi sa yuta dihang naangol ang usa ka mag-uuma human gidunggab sa iyang ig-agaw sa Sitio Camboaya, Barangay Conalum, lungsod sa Argao, sa habagatang bahin sa Sugbo.
Nahitabo ang maong insidente pasado alas 3:40 sa hapon niadtong adlaw sa Domingo, Agosto 11, 2024.
Giila ang biktima nga si Glenn Tampipi, 43-nyos nga giingong gidunggab sa iyang ig-agaw nga giilang si Teodolo Quillosa, 56-anyos nga puros lumulupyo sa samang dapit.
Atol sa imbestigasyon sa kapolisan sa maong lungsod diin nagkanayon nga daling nisamot ang panaglalis hinungdan nga gidunggab sa suspek gamit ang kutsilyo ang tiyan sa biktima.
Ingon man nga daling gidala sa tambalanan ang biktimaaron matambalan, apan wala pa matino ang iyang kahimtang sa pagkakaron.
Nasikop na sa mga barangay tanod ang suspek ug gitugyan ngadto sa mirespondeng mga kapulisan sa naasoy nga lungsod.
Kasamtangang nagpadayon ang imbestigasyon sa maong insidente.
