Mitataw si Cebu Vice Gov. Glenn Anthony Soco nga patas ug dili ma-impluwensyahan ang 17th Sangguniang Panlalawigan sa bisan unsang partido ilabi na sa pagpasar sa mga lagda sa probinsya.
Kini kabahin sa pasiunang pamahayag ni Soco atol sa regular session sa hunta probinsyal.
Gihimug-atan ni Soco ang giingong integridad nga gihuptan sahunta probinsyal sa serbisyo ilabi na sa budget deliberations niini.
Ang pagsusi sa pundo, giingong kabahin sa makuting trabaho sa lehislatibo aron masiguro nga nahisubay sa lagda ug balaod ang mga ordinansahon.
Sa milabayng mga semana, nasayran nga dunay gihimong rekomendasyon sa paglaslas sa pundo sa mga departamento nga gilantaw niini nga wala nahaum sa hingtungdang opisina.
Subay niini, gidasig usab ni Soco nga likayan ang lantugi diha sa publiko ug kon mahimo mag istorya kini sa hapsay nga paagi.
