CEBU CITY-Dili na matud pa mag-apil-apil pa si Cebu City Vice Mayor Mike Rama sa pagpa-imbestigar sa nahitabong disgrasya sa Guimaras-Iloilo Strait nga gikamatay sa 9 ka miyembro sa pamilya nga taga Brgy. Ermita niining dakbayan.
Kini ang pamahayag ni Rama atol sa pagbisita niini sa gym kung diin gipahimutang ang mga patay’ng lawas sa mga biktima human kini gihatud kagahapon.
Matud ni Rama nga kung palabwan pa niya ang pagpahigayon ug imbestigasyon daw sama kini nga magpakita nga wala siyay salig sa abilidad sa Malacañang.
Kini human nga mismo si Presidente Rodrigo Duterte ang milantaw na sa maong panghitabo ug magpahigayon na ang Malacañang og imbestigasyon.Dason niini nga dako ang iyang pagsalig sa Malacañang.
Dugang pa sa bise mayor nga anaa na usab si Mayor Labella nga nangusog usab kalabot sa maong panghitabo apan gitino ni Rama nga prayoridad gihapon usab niya ang Brgy. Ermita.
