Gipalagan ni common legal representative sa mga drug war victims nga si Atty. Gilbert Andres ang argumento sa defense team ni Rodrigo Duterte sa daw ilang pagbadlong sa mga “rotten police officers” atol sa administrasyon sa kanhi president.
Sumala pa ni Atty. Andres ngadto sa mga hukom sa IC Pre-Trial Chamber I nga dili kini tinuod ang pangangkon sa kampo ni Duterte.
Sa closing statement sa Victims’ Counsel, gipangatarungan ni Atty. Andres, nga ang mga opisyal sa kapulisan nga responsable sa pagkamatay sa 3,967 ka drug personalities nga napatay sa drug operations gikan sa Hulyo 1, 2016 hangtod Nobyembre 27, 2017 kay wala gipasakahan og mga kasong kriminal.
Dugang pa niini nga sa Pilipinas niadtong panahona kay aduna lay 302 ka mga kaso ang naimbestigaran.
Sumala pa Victims’ counsel nga adunay igo nga ebidensya aron kumpirmahon ang mode of liability ubos sa Article 25 3a susama sa apela sa prosekusyon.
Gihimug-atan sab niini nga adunay mga inosenteng bata ang sistematikong gipamatay ubos sa mando ni Duterte ug dili lang kini collateral damage.
Ulahing gipamahayag ni Atty. Andres nga adunay igng ebidensya ang prosekusyon aron makalatag sa substantial grounds sa kamatuoran nga nabuhat sa kanhi president ang matag krimen nga giakusar kaniya.
