ENTERTAINMENT-Gibutyag ni “Star for All Seasons” Vilma Santos nga “my heart is full” human siya gi-endorso nga mahimong National Artist karong 2024.
Matud pa Ate Vi nga naglaom ug nag-ampo kini alang sa final nga desisyon kon matudlo gyud siya nga National Artist, ug maapil sa han-ay sa mga aktor nga sila Manuel Conde, Fernando Poe Jr, ug Nora Aunor.
Misaad ang Star for All Seasons nga padayon niyang suportahan ang kalamboan sa industriya sa kalingawan sa Pilipinas.
Kung kahinumduman nga bag-o lang gi-promote sa Liga ng mga Aktor sa Pilipinas si Vilma aron madeklarar nga National Artist.
Sa gipahigayong media conference sa Aktor PH niadtong Biyernes, gibasa ni Dingdong Dantes, ang usa sa mga opisyal sa Aktor PH, ang mensahe ni Charo Santos-Concio, kinsa sakop sa Advisory Board of Aktor, sa nominasyon ni Ate Vi isip National Artist.
Pipila sa dili maihap nga mga pelikula ni Vilma naglakip sa Trudis Liit diin nakuha niya ang iyang unang acting award isip Best Child Actress sa 1963 FAMAS Awards; Darna (1973) ug Dyesebel (1973).
Gawas niini, misalmot usab si Ate Vi sa serbisyo publiko, isip Mayor sa Lipa, Gobernador sa Batangas ug miyembro sa House of Representatives sa 6th congressional district sa Batangas.
Susihon sa National Commission for Culture and the Arts and Cultural Center of the Philippines ang nominado nga ideklarar isip bag-ong National Artists.
