CENTRAL VISAYAS-Mipasaka og reklamo ang Visayas Command pinaagi sa 302nd Brigade 3rd Infantry Division batok sa Non-Government Organization, Community Empowerment Resource Network kon CERNET sa paglapas sa Republic Act 10168 o ang Terrorism Financing Prevention and Suppression Act of 2012.
Sa gipahigayon nga Press Conference sa Visayas Command, nga gipangulohan ni Brigadier General Joey Escanillas,Commander sa 302nd Brigade 3rd Infrantry Division aron hisgutan ang dugang detalye bahin sa maong isyu.
Kung diin, pinaagi sa mga case build-up sa Visayas Command AFP, gibutyag niini nga ang mga pundo nga gidumala sa mga fund officers sa CERNET gipang-apod-apod ngadto sa People’s Organizations alang sa ilang mga proyekto, samtang ang usa ka mahinungdanong bahin gidirekta ngadto sa finance Officer sa Communist Terrorist Group o kon CTG.
Nasayran nga gipahingusgan ang nasugyot gumikan kay adunay tin-aw nga ebidensya sa pagpondo sa terorismo nga nalambigit sa Communist Terrorist Group ug CERNET.
Ingon man nga gipanid-an sa mga troopa ang mga ‘areas of concern’ ilabi na nga adunay mga nipatim-aw nga mga presensya sa mga armadong grupo.
Hinungdan nga mipasalig si Brigadier General Escanillas ngadto sa publiko nga hapsay ang umaabot nga election karong Oktubre 30, 2023.
Sa pikas bahin, nipagawas og pamahayag ang CERNET diin kusganong gihimakak ang mga alegasyon batok kanila ug ingon man nga walay gibasehan ang mga naasoy nga akusasyon.
