Giingong dili gihapon motunga si Bise Presidente Sara Duterte sa sunod nga pagdungog sa House Committee on Good Government and Public Accountability.
Kini bisan pa man nga personal niyang nadawat ang imbitasyon sa komite sa dihang mitambong siya isip suporta sa iyang amahan nga niapil isip resource person sa Quad Committee.
Matod sa bise presidente, mopadala na lang sila og laing suwat aron pagpasabot sa mga rason nganong dili kini moadto sa hearing sa House nga gipangulohan ni Manila 3rd district Rep. Joel Chua.
Gitataw niini, wala paminawa ang ilang mga pamahayag ug katin-awan kalabot sa mga detalye sa pundo, busa mas maayo nga dili na lang sila mag-usik og panahon sa pag-atubang sa nahisgutang board.
Ang bag-ong pamahayag sa bise presidente gihimo dungan sa pagsaulog sa 89th Founding Anniversary sa Office of the Vice President sa Mandaluyong City.
