Padayong gi-monitor sa Provincial Health Office ang napulo ka mga suspected Mpox cases sa Bohol, kini human gikompirmar sa PHO.
Diin ang lima ka gidudahang adunay mpox case kay anaa sa
Tagbilaran City, samtang tag-usa sa lungsod sa Jagna, Pilar, Dagohoy, Clarin ug Inabanga.
Matud ni Dr. Fruserma Mary Uy, office-in-charge sa PHO nga ang 10 ka mga pasyente kay nakadawat na og angay nga medikal nga atensyon.
Ingon man nga gipadala na ang mga samples sa Research and Institute for Tropical Medicine (RITM) sa Muntinlupa City alang sa confirmatory test.
Nilusad na usab ang kagamhanang probinsiya sa Bohol og hotline diin nagtumong nga mapadali ang pagtaho sa mga kaso sa monkeypox.
Nagtagbo usab ang mga sakop sa Bohol Mpox Task Force sa unang higayon aron pag-ila sa mga proactive measures nga ipatuman sa Bohol.
Mipasalig si Gobernador Erico Aris Aumentado nga walay angay kabalak-an ang mga taga-Bohol ug dili kinahanglan nga mag-panic sa mga natala nga Mpox cases sa mga kasikbit nga lugar ug sa tibuok nasud gumikan kontrolado nila ang sitwasyon.
Inay magmatngon ug kinahanglan nga mag-obserbar sa mga protocol.
