10 ka tawo sa tambalanan sa India, patay human miulbo ang sunog

Gikatahong anaa sa 10 ka mga tawo ang namatay human miulbo ang sunog sa usa ka trauma center sa usa ka government hospital sa Odisha, India.

Diin ang tanang namatay nga mga biktima kay mga pasyente sa ospital samtang 11 ka mga kawani sa ospital ang padayon nga gitambalan tungod sa mga naangkon nga samad sa nagkalain-laing bahin sa ilang lawas.

Basi sa inisyal nga imbestigasyon sa mga awtoridad, ang sunog gipahinabo sa electrical short circuit.

Sa pagkakaron, nagpadayon ang imbestigasyon sa mga awtoridad aron mahibal-an ang hinungdan sa pag-ulbo sa sunog.