Gipasirado sa Police Regional Office-7 ang 15-ka mga buhatanan og pusil nga nahimutang sa Danao City, Cebu, kagahapong adlawa Martes, Mayo 20, 2025.
Gipahigayun sa Regional Mobile Force Battalion-7 ang usa-ka major combat operation sa Brgy. Cahumayan sa Danao City, diin parti kini sa ilang mga lakang sa batok sa mga criminal gang; drug syndicate; private armed group ug terorista.
Nahimong malampuson ang ilang operasyon pinaagi sa intelligence-driven actions nga gipahigayun niadtong Marso 21- Mayo 16, 2025 kung diin nasayran sa mga awtoridad ang mga illegal nga pabrika sa armas.
Matud ni PRO7 Regional Director PBGen. Redrico Maranan, nasikop ang walo-ka mga indibidwal ug isa niini tuyo nga misurender sa mga kapolisan, nasakmit usab ang nagkalain-laing matang sa armas atol sa operasyon.
Dugang usab ni Maranan nga usa ka dakong kalampusan ang pagbungkag sa pabrika sa pusil ubos sa hanay sa PNP, tungod kay posible kini nga mag-supplyan og armas sa mga kriminal nga gang, pribadong armadong grupo, ug bisan sa mga rebelde sama sa NPA. | Bombo Nathaniel Sandoval
