Walay naluwas sa nahagsang eroplano sa Colombia sa silangang utlanan sa nasud sa Venezuela niadtong Miyerkules, Enero 28.
Diin ang kinatibuk-ang 15 ka sakay niini nga gilangkuban sa 13 ka mga pasahero ug duha ka tripulante nga unang gikatahong missing, napalgan na nga wala nay kinabuhi.
Nakadawat usab og impormasyon ang mga otoridad nga lakip sa mga pasahero kay ang usa ka magbabalaod ug legislative candidate alang sa umaabot nga piniliay sa Kongreso sa ilang nasud.
Giila kini nga sila si Diogenes Quintero ug Carlos Salcedo, diin si Quintero, usa ka representante sa special peace constituencies—16 ka congressional seats sa mga biktima sa kapintasan—nagserbisyo sa national legislature sukad niadtong 2022.
Matud sa iyang communications team nga nawad-an sila og kontak kang Quinteri ug sa iyang assistant human nawala ang eroplano.
Mipadangat na og pahasubo si Colombian President Gustavo Petro sa mga pamilya sa mga biktima sa pagkahagsa sa eroplano.
