CEBU CITY-Gidagan sa tambalanan ang 16-anyos nga lalaki, usa ka estudyante human kini milayat gikan sa ika-5 nga andana sa usa ka mall sa South Road Properties (SRP) gabii, Enero 21, 2025.
Pasado alas 9 kay nasigpatan nga anaa sa ngilit nga bahin sa rooftop ang maong lalaki, diin nisubay pa usa kini milayat.
Sa dihang gisuwayan og negotiate ang biktima pinaagi sa paghatag sa gusto niini apan dili makig-estorya ang maong batan-on hinay-hinay usab og pangandam ang mga rescuers sa mga foam, karton ingon man rubberized boat ug aduna’y mga rescue personnel ang nangandam na aron kuptan ang biktima apan, sa dihang nakuptan na kay dali kining nakadalikyat ug daling milayat.
Kulba-hinam ang nabati sa mga tawo nga nanan-aw, hilabi na sa dihang nilayat na kini gikan sa ibabaw nga bahin sa naasoy nga establishamento.
Maayo nalang kay nadali kini pagdala sa tamabalan ug anaa na kini sa luwas nga kahimtang ug dali usab nga gikontak sa Mambaling Police Station ang ginikanan sa biktima.
Giila ang biktima nga si ‘Chris’ ug taga Brgy San Isidro, San Fernando Cebu ug giingong broken hearted ang naasoy nga tinun-an.
Padayon pa nga gisubay sa mga otoridad ang laing posibleng hinungdan sa iyang pagsuway og kutlo sa kinabuhi.
