Nasikop ang anaa sa duha ka mga indibidwal atol sa nahitabong drug sting operation sa Sitio Cirva, Barangay San Vicente sa lungsod sa Liloan sa amihanang Sugbo pasado alas 3:30 sa hapon niadtong Sabado, Abril 12, 2025.
Ang maong operasyon kay gipangulohan sa Liloan Police Municipal Drug Enforcement Unit diin misangpot kini sapagka-aresto sa duha ka idibidwal nga nalambigit sa padagan sa ginadiling druga sa maong dapit.
Gibana-banang miabot sa 5.35 grams sa gituohang shabu ang nasakmit sa mga awtoridad nga adunay kantidad sa P36,380.
Gipaubos dayon kini sa laboratory examination aron sa pagproseso sa nakuhang ebidensya batok sa mga dinakpan.
Samtang gidayeg ni Police Major Mawi Arcilla, Hepe sa Liloan Municipal Police ang komunidad sa ilang kooperasyon ug sa pag-report sa illegal nga kalihokan aron sa hingpit nga pagkahipos niini.
Hangyo niini sa publiko nga magpabiling magbinantayon ug daling mu-report sa mga tinugyanan sa balaod sa mga kadudadudahang mga mga kalihokan.
