Gisentensyahan sa Manila Regional Trial Court (RTC) Branch 24 ang lima ka akusado nga reclusion perpetua o tibuok kinabuhi nga pagkapriso tungod sa pagkidnap ug pagpatay sa usa ka Korean national, 11 ka tuig na ang milabay, matod sa Department of Justice (DOJ).
Basi sa 21 pages nga desisyon sa korte nga gipagawas niadtong Pebrero 18, nasuta sa huwes nga guilty beyond reasonable doubt ang mga akusado nga sila si Ronel Mongado, Rowel Mongado, Alex Buenaobra, Jimmy Manlapaz ug Sergio Natad.
Gimando usab sa korte ang mga konbiktado nga bayran ang mga ‘tagapagmana’ sa Korean national og P100,000 matag usa alang sa moral damages, civil indemnity ug exemplary damages.
Una niini, sumala sa DOJ, ang kaso nagsugod niadtong Marso 3, 2014, sa dihang gikidnap sa akusado ang Korean national nga si Ji Won Lee bugti sa ransom money gikan sa pamilya sa biktima.
Apan bisan pa sa paghatag og kinatibuk-ang P17,000 ngadto sa mga sad-an, ila gihapong gipatay si Lee.
Samtang, ang kauban nga si Jullie-Ann Trabaco, kinsa nagsilbing accessory sa krimen, napamatud-an nga sad-an ug gisentensiyahan og 5 hangtod 8 ka tuig nga pagkabilanggo.
Nagbayad usab kini og P12,500 sa nabiyaan nga pamilya sa biktima.
