Nakasinati og kaylap nga pagbaha ang pipila ka mga lugar sa Habagatang Tsina ug pagdahili sa yuta nga nakapatay sa 71 ka mga tawo.
Kini tungod usab sa pipila ka semana nga kusog nga ulan nga nasinati sa rehiyon sukad niadtong Hunyo 9 ning kasamtangang tuig.
Gani, nipagawas og notice ang National Meteorological Center of China og rainstorm red alert nga mao’y labing taas nga lebel sa ikaduhang sunod-sunod nga adlaw ug molungtad kini karong adlawa Hunyo 27.
Lakip sa nakasinati og grabeng pagbaha mao ang mga lugar sa Southwest China’s Sichuan Province, Chongqing Municipality sa Central China’s Hubei, Hunan Provinces ug East China’s Anhui, Jiangxi ug Zhejiang Provinces.
Samtang sa mga probinsya sa Anhui, Jiangxi ug Hunan, ang gitas-on sa tubig baha miabot sa 500 millimeters samtang niabot sa 740 millimeters sa Changde City sa Hunan ug Huangshan City sa Anhui.
Basi sa mga scientists, ang kalamidad nga nasinati sa China tungod sa climate change apan daghan ang nag-ingon nga delubyo kini tungod sa dili makiangayon nga pagpanghilabot sa kagamhanan sa China ubos ni Pres. Xi Jinping sa kadagatan nga gipanag-iya sa gagmay nga mga nasud sa rehiyon sa ASEAN.
Aduna’y mga nag-ingon usab nga ang West Philippine Sea mao’y nidiretso na sa China tungod sa pag-angkon sa nasud sa kadagatan.
Apan bisan pa niini, daghan gihapon ang naluoy ug mihalad og pag-ampo alang sa kaluwasan sa minilyon ka mga residente nga naapektuhan sa lapad nga pagbaha sa Southern China.
