CENTRAL VISAYAS-Di mominos 87 ka mga indibidwal sa Central Visayas ang nakadawat ug tag P15,000 nga cash assistance gikan sa Department of Social Welfare and Development (DSWD) tungod sa pagsunod sa Executive Order No. 39 nga nagmandu ug P41 matag kilo ug well-milled rice sa P45 matag kilo.
Ang pag-apod-apod sa pinansyal nga suporta dungan nga gipahigayon sa nagkalain-laing dapit sa Central Visayas gahapon Huwebes, Septiyembre 14, 2023.
Kung diin sa dakbayan sa Sugbo gipahigayun kini sa interim building sa Carbon Public Market, diin walo ka mga rice vendors ang nakadawat og hinabang.
Dugang pa, nga nakadawat og tag P15,000 nga hinabang ang tulo ka mga tawo sa lungsod sa Minglanilla ug unom ka mga tawo sa lungsod sa Consolacion.
Ang mga benepisyaryo giila sa Department Trade and Industry (DTI).
Gitino ni Undersecretary Terence Calatrava sa Office of the Presidential Assistant for the Visayas, nga sa pagkakaron, ang mga rice vendors nituman sa Executive Order No. 39 nga nagmando sa price ceiling sa regular ug well-milled rice.
Una niini, nipahigayon og pagbantay sa presyo sa bugas sa ‘public market’ sa dakbayan, sila si Calatrava ug Mandaue City Mayor Jonas Cortes, uban sa mga opisyal sa Department of Trade and Industry, Department of Agriculture, ug Police Regional Office sa Central Visayas.
Usa sa ilahang gibisita ang Carbon Public Market sa Cebu City ug sa Lapu-Lapu City Public Market.
