CEBU CITY-Wala matud pa nakadawat og tawag o ingon man ‘offer’ nga bayran si Cebu 6th district Congresswoman Elect Emmarie “Lollipop” Ouano- Dizon para sa botaran niini nga house speaker.
Kini nunot sa kontrobersiya nga giingong dunay vote buying sa pagpili sa bagong house speaker kung diin target pa niini ang mga bago nga kongresista.
Sa pakighinabi sa Bombo Radyo Cebu kang Dizon giingon niini nga sama nga natunga pa gani ang iyang kasing-kasing tungod kay puro niya kaila ang tanang mga kandidato.
Matud niini nga si Leyte Representative-elect Michael Romualdez ang bayaw sa iyang igsoon nga si Provincial Board Member Thadeo Jovito “Jonkie” Ouano tungod kay ang asawa ni Romualdez ang igsoon sa asawa ni Jongkie.
Samtang ang amahan ni Senator Alan Peter Cayetano ang matud pa suod niya nga partido kung diin nahimong downline usab si Dizon ug si Marinduque Rep. Lord Alan Velasco ang kauban siya sa PDPLaban
Hinungdan nga gisiguro ni Dizon nga sakto ang iyang mamahimo nga desisyon niya sa pagboto.
Kung kinsa matud pa ang i-indorso karon ni Presidente Rodrigo Duterte mao ang iyang suporatahan .
