CEBU CITY – Gipaniguro ni Mayor Edgardo Labella nga mamahimung drug free ang Cebu City Hall ubus sa iyang administrasyon.
Matud ni Labella nga kinahanglang magpa-drug test ang tanang mga empleyado ug mga officials ubos sa mga sakop sa Cebu City Office Substance Abuse Prevention (COSAP).
Gani magpa-drug test kini isip modelo sa tanang mga empleyado sanglit siya usab ang author sa ordinansya nga ipaubos sa drug test ang tanang empleyado.
Dugang pa ni Labella nga kung ugaling magpositibo sa drugas iya gyud kining taktakun sa serbisyo bisan pa man og iya pang leader o suporter sa pulitika.
Gipahinumdom sa mayor nga kinahanglan physically fit ang empleyado sa City Hall ug dili haum alang sa bisan unsang government office ang tawong migamit og ginadiling drugas.
