CEBU CITY-Posible nga mulingkod na si Konsehal Joel Garganera isip ika 8 nga konsehal sa North District karong adlaw nga Lunes human nga mipagawas na og pinal nga desisyon ang Comelec En Banc nga kanselado na ang COC ni Konsehal Bebs Andales.
Matud ni Garganera nga nakuha na usab niya ang certificate of finality ug mifile na ang complainant og writ of execution ug ang order nalang usab sa iyang paglingkod ang gipaabot.
Subay niini, mibutyag usab si Gaganera nga siya nalang ang nauwaw para ni Andales sanglit abogado man unta kini og nasayod kini sa mga consequences sa iyang gihimo apan mipadayon gihapon.
Dason pa niini nga ‘pregnant with malice’ si Andales kinsang nasayod nga ika 4 na niya nga termino ang pagdagan apan nagpapili sa gihapon.
Nagtoo si Garganera nga nagtoo usab si Andales nga madugay pa ang pag-implementar sa iyang disqualification mao nga wala kini nanumbaling.
Apan taliwa niining tanan, mapasalamaton si Garganera sa lain na usab nga higayon nga gihatag kaniya para makaserbisyo sa katawhan.
Iya matud pa nga ipadayon ang iyang tarong nga pagtrabaho sa iyang katungdanan.
