Mopahigayon pa ug imbestigasyon ang Land Transporation and Franchising Regulatory Board (LTFRB) 7 sa bus human nga nahulog sa pangpang sa Brgy. Panalipan lungsod sa Catmon kagahapon.
Matud ni Eduardo Montealto ang Regional Director sa LTFRB-7 nga nagpada na ug report ang manager sa maong bus kabahin sa record sa panghitabo.
Apan ila gihapon kining susihon ang dash cam sa maong bus kun nakatog ba gayud ang driver.
Sa pagkakaron wala pa nahibaw-an ang rason kun unsa gayud ang rason sa nahitabong disgrasya bisan pa man og dili grabe ang nahitabo sa mga pasahero.
Matod pa ni Montealto, mag-isyu sila ug show cause order sa maong bus subay na sa nahitabo.
Panawagan sa director ngadto sa mga driver nga bisan paman ug adunay speed limiter mag hinay-hinay lang gihapon ilabi na ug dangog ang kasada ug di gyud kalimtan ang pag amping kanunay.
