CEBU CITY– Mi-arangkada na ang inilang “mother of all festivals” ang Sinulog 2020 human nga gisugdan na ang grand parade karong adlawa sa dakbayan sa Sugbo.
Magsangka sa ritual showdown ang 31 dancing contingents gikan sa Cebu ug sa kasikbit nga mga lalawigan sa Visayas ug Mindanao.
Lakip usab sa grand parade ang mga floats, higantes, ug puppeteers gikan sa mga pribadong indibidwal, organisasyon, ug mga kompanya.
Gikahinaman usab ang pagtambong ni Pangung Rodrigo Duterte unyang hapon kung diin muhatag pa kini og speech sulod sa Cebu City Sports Center.
Gipatuman usab ang signal shutdown subay sa memorandum sa National Telecommunications Commission sa mga telcos.
Nasayran nga 4 na nga dekada nga gisaulog ang Sinulog festival isip dalit sa batang Hesus matag ikatulo nga Dominggo sa buwan sa Enero.
