CEBU CITY-Walay kalabutan sa ilang panagbangi ni Cebu City Councilor Niña Mabatid ang pag positibo niini sa gipahigayon nga drug test sa Cebu City Office for Substance Abuse Prevention (COSAP).
Kini ang gibutyag ni Jona John Rodriguez kinsa head sa COSAP sa dihang nahinabi sa Bombo Radyo Cebu. Matud pa ni Rodriguez nga iyang masiguro sa publiko nga wala gayu’y binoang ang ilang gipahigayon nga drug screening. Human usab nga nagduda si Mabatid sa kredibilidad sa COSAP sa ilang pagdrugtest kaniya.
Gihimug-atan ni Rodriguez nga kung duna pa kini binuang, ang uban nalang unta nga konsehal sa BOPK ang ilang giingon-niini. Sigon pa sa COSAP head nga wala gayud silay ‘hold’ sa pagpahigayon sa drug screening sanglit igo ra sila mo ‘supervise’ ug ang taga drug check na ang bahala sa ihi niini.
Dugang pa ni Rodiguez nga ang ilang panahigalaay aduna sila’y gamay nga panagbangi apan wala niya gamita ang iyang posisyon para mubawos ngadto sa konsehal. Inay trabaho lang ang iyaha ug dili pagpamersonal.
Posible nga duna matud pa’y pagdumot si Mabatid ngadto kaniya apan sigon pa ni Rodriguez nga human sa eleksyon wala na kini para niya. Gani aduna usab silay gamay nga panagbangi sa kapitan sa Brgy. Inayawan apan sa dihang giimbitar kini siya sa aktibidad sa maong barangay, niadto ra usab si Rodriguez gumikan kay patas ang iyang pag serbisyo.
Nasayran nga negative ang resulta ni Mabatid sa confirmatory test.
