Gitataw sa tigpamaba sa DepEd-7 nga si Mariz Villarmea nga gisibog lang ang orihinal nga schedule sa Central Visayas Regional Athletics Association Meet (CVRAA).
Kini taliwa usa sa coronavirus disease scare kung diin gilikayan ang panagtapok ug pagsagol sa daghang tao.
Hinungdan nga gipostpone usa ang CVRAA nga una na nga nakaset karong Pebrero 23-28.
Apan gitino ni Villarmea nga tentative pa ang schedule nga giset nga Marso 9-13.
Maghuwat lang usab matud pa sila sa approval sa kadagkuan ug ingon man sa DOH kung mutugot sila nga madayon ang maong kalihokan hayan mapahigayon gyud kini karong Marso.
Sa laing bahin, gitutukan karon sa tunghaan ang proper hygiene ilabina ang proper hand washing sa buntag ug ingon man sa udto.
Lakip na ang uban pang mga preventive measures sama sa pagamit og mask alang lamang sa mga dunay flu ug ang paglakip sa lecture sa COVID-19 sa matag klase. (fdp)
