CEBU CITY — Gikumpirmar sa Department of Health (DoH-7) nga usa ka konsehal sa Dumaguete City ang nagpositibo sa Coronavirus Disease (COVID-19).
Matod ni DoH-7 Director Dr. Jaime Bernadas, nitambong sa Philippine Councilor’s League (PCL) National Convention ang maong konsehal niadtong Pebrero 27 sa kauluhan og nisuroy usab kini sa Greenhills Shopping Center.
Niuli sa Negros Oriental ang COVID-19 patient niadtong Marso 1 diin pipila ka adlaw ang nakalabay nakitaan kini og mga simtomas sa coronavirus.
Subay niini nipa check up kini og doktor aron makuhaan og sample hangtod nga nahibaw-an sa resulta nga positibo kini sa maong sakit. Segon kang Bernadas nga nipaubos kanhi sa liver transplant ang konsehal hinungdan nga na-immuno compromise kini o dali nga natakdan sa virus.
Anaa sa Intensive Care Unit (ICU) sa usa ka hospital sa Dumaguete City ang maong pasyente kinsa anaa sa kritikal nga kondisyon.
Samtang nagpadayon ang pagsuta sa buhatan sa DoH-7 sa partikular nga dapit sa kauluhan kung diin nakuha sa konsehal ang virus. (with reports by Bombo Mich Dialogo/gn/gs)
