CEBU CITY — Gikumpirmar sa Vicente Sotto Memorial Medical Center (VSMMC) ang 12 ka mga positive cases sa COVID-19 sa Visayas.
Sa usa ka live briefing sa VSMMC kagabii, nagkanayon si DOH-7 Regional Epidemiologist Juanito Zuasola nga gikan sa 12, walo kanila ang napadala ngadto sa Research Institute for Tropical Medicine (RITM) sa Muntinlupa City alang sa confirmation.
Dugang pa niini nga gikan usab sa maong ihap, upat kanila ang gipaubos sa COVID-19 test ug nagpositibo kini.
(Malantaw ninyo ang maong live briefing pinaagi ning link: https://www.facebook.com/OfficialVSMMC/videos/1129080920761188/ )
Sa pagkakaron, wala pa una mihatag og kasayuran ang VSMMC sa gigikanan sa mga nagpositibo sa COVID-19.
Gitugutan na karon sa RITM ang VSMMC nga makahatag og resulta sa COVID-19 test gikan sa ilang laboratoryo.
Kini human nga gi-certify sa maong ahensya ang nahisgutang tambalanan isip usa sa mga sub-national laboratories sa DOH.
