CEBU CITY — Mimando si Cebu City Mayor Edgardo Labella nga kinahanglang ipaubos sa COVID-19 testing ang kinsang mapriso o makagawas sa Cebu City Jail.
Kini nunot na sa taas nga kaso sa maong prisuhan diin niabot na kini og kapin 200 ka mga kaso.
Ubos sa Executive Order No. 71, kinahanglang ipaubos sa mandatory coronavirus testing ang usa ka piniriso isip usa sa mga medical examination requirement sa Cebu City PNP.
Apan kinahanglan unang i-detain ang maong piniriso sa usa ka pasilidad nga gi-andam sa CCPO.
Kung magpositibo man ang maong indibidwal, ipaubos kini sa isolation aron matambalan.
Samtang giuyunan usab sa tigpamaba sa Bureau of Jail Management and Penology (BJMP)-7 nga si Jail Senior Inspector Jay Ylanan ang kamanduan ni Labella.
Matud niini nga kini ang labing maayong buhaton alang sa kaluwasan sa tanang mga piniriso, ilabi na nga nagkasaka na ang kaso sa COVID-19.
