Cebu City– Gipahinumduman ni Cebu City Mayor Edgardo Labella ang mga Sugbuanon nga kinahanglan gihapong musubay sa minimum health protocols bisan paman ug ubos na sa General Community Quarantine ang dakbayan.
Gimanduan sa mayor ang nagkalain-laing departmento sama sa Prevention, Restoration, Order, Beautification, and Enhancement o PROBE, City Environmental and Sanitation Team (CESET), lakip na ang PNP nga sikopon ang si kinsa man ang dili magsul-ob og face mask ug dili musunod sa physical distancing.
Adunay i-andam nga kaoshiung buses ang city government nga maoy magsilbi nga detention cell sa mga madakpan.
Samtang basi sa available nga datos gikan sa Cebu City Health Department, mukabat na sa 3,434 ang nataptan COVID-19 sa dakbayan apan 54 percent sa mga confirmed cases ang nakarecover na.
Mukabat na usab sa 37 ang nangamatay kung diin usa lang ang bagong napuno. | GN
