Cebu City-Hilabihan na matud pa ang pag-antos ug napuno na sa kalibog ang usa ka Locally Stranded Individual (LSI) nga natanggong karon sa Barangay Capitol Site ning dakbayan human nga niadtong buwan pa sa Mayo kini nagproseso sa iyang papeles apan hangtud sa pagkutlo niining balita Agosto 09, 2020 wala gihapo’y update.
Si Kaye Monter nga boot na muuli sa Pampanga ang nahinabi sa Bombo Radyo Cebu atol sa tulumanong Bombo Barangayan nagkanayon nga nagbalik-balik na sila sa barangay kalabot sa ilang dokumento apan ingnon lang matud pa sila nga tua na tanan sa city health. Boot usab ni Monter nga bisan ang barangay mao usab ang maningkamot og update sa city health sanglit reklamo usab sa uban pang mga LSI nga magpasuko-suko pa ang mga hingtungdan niini sa barangay hall.
Gikwestyon usab ni Kaye ang ubang LSI nga nagprocess sa ilang papeles niadtong buwan sa Hulyo, nga mao hinooy nauna.
Hangyo niini sa mga hingtungdang opisina nga magbaton og saktong management og stratehiya nga mahapsay ang proseso aron dina mapun-an pa ang ilang pag-antos.
