CEBU CITY — Gihangop ni Cebu Provincial Governor Gwendolyn Garcia ang kamanduan ni Environment Sec. Roy Cimatu nga temporaryong isuspenso ang operasyon sa duha ka mga mining firm nga nag-extract ug export og mga dolomites gikan sa Alcoy, Cebu.
Matud ni Garcia nga nagbunga na ang imbestigasyon sa mga hingtungdang ahensya kabahin sa kadaut nga nahimo nga hilippine Mining Services Corporation (PMSC) ug sa Dolomite Mining Corporation (DMC) sa kalikupan, ingon man sa panginabuhi-an.
Napamatud-an sa mga ahensya nga adunay kalapasan ang nahisgutang mga mining firms sa Environment Compliance Certificate (ECC) ug water discharge permit.
Una nang nakita sa site inspection nga hilabihan ang pagkaguba sa seabed sa Alcoy nga nag-antos sa heavy siltation tungod sa dolomite export.
Tungod niini, gipasalamatan ni Garcia si Cimatu tungod sa dinaliang aksyon ngadto sa duha ka mga kompaniya.
