CEBU CITY — Nagtinabangay ang mga sakop sa Cebu City Police Office (CCPO) aron makapananom sila og gibana-banang 1,000 ka mga punuan sa kahoy ngadto sa bukirang bahin sa dakbayan.
Karong adlawa, nakapananom ang mga sakop og 600 ka mga seedlings sa mga fruit-bearing nga kakahoyan ngadto sa Barangay Cambinocot.
Butang nga gikalipay sa mga barangay officials ug misaad nga amumahon kini hangtud na sa iyang pagdako ug pagpamupo.
Matud ni CCPO Director Police Col. Josefino Ligan nga moabot sa 60 porsyento ka mga seedlings ang gitisok na ngadto sa managlahing mountain barangays sa Cebu City.
Sigon pa niini nga kinahanglan usab nilang protektahan ang kalikupan batok sa mga katalagman sama lang sa pagprotehir sa katawhan batok sa kriminalidad.
Dugang pa niini nga magpadayon ang ilang proyekto bisan pa man og niabot na sa target nga gidaghanon sa mga seedlings nga gipangtanom.
