CEBU – Giaprobahan na sa Department of Trade and Industry (DTI) ang pagpasaka sa suggested retail price (SRP) sa 82 ka mga batakang panginahanglan ug mga prime commodities.
Gipahibalo sa departamento sa Trade and Industry nga adunay pag-adjust sa mga dagkong raw materials ug sa gasolina.
Hinungdan nga adunay pagsaka sa mga produkto ug matud pa ni Maria Elena Arbon,ang Director ,sa Department of Trade and Industry-Central Visayas Regional Office (DTI-7), nga lakip sa mga produkto nga adunay mas taas nga SRP mao ang bottled water ug sudlanan, mga de-lata nga isda, giproseso ug de-lata nga karne sa baboy, giproseso ug de-lata nga baka, giproseso nga gatas, suka, toyo, ug patis.
Lakip usab ang lokal nga ginama nga instant noodles, kape, asin, sabon panglaba, detergent, kandila, harina, sabon sa kasilyas, ug mga baterya.
Apan, giklaro niini nga sa wala pa nipasaka sa presyo sa mga palitunon nagpahigayun kini og meeting uban ang lain-laing departamento, ug ingun man sa pag monitor sa mga manufacturer.
