CEBU – Nagpahigayon na ug information drive ang mga sakop sa Cebu City Health Department sa matag barangay sa pakigbatok sa makamatay nga dengue.
Gipahibalo ni Dr. Jeffrey Ibones, ang officer-in-charge sa City Health, nga importante karun ang ‘search and destroy’, diin kinahanglan nga lantawon ang mga area sa panimalay o sa komunidad nga sagad mapondohan ug tubig, ug kini ipangyabo, gub-on arun nga dili mapondohan ug lamok nga nagdala ug dengue.
Matud pa, wala na girekomindar ang ‘fogging’ gumikan kay delikado usab ang aso alang sa mga adunay hubak.
Mitambag na lang kini sa publiko nga daling magpa-checkup ug ipalantaw ang blood count kung ugaling makasinati na ug hilanat nga mukabat sa 39 ngadto sa 40 nga temperatura, sakit sa lawas, rushes, magsakit ang tiyan ug magsuka, gumikan kay ang mga nahisgutan, sintomas sa dengue.
