CEBU –Isip usa ka paagi aron makadaginot sa konsumo sa gasolina, nimando ang Cebu City Police Office sa ilang mga personnel nga limitahan ang paggamit sa air conditioner units sa ilang tagsa-tagsa ka patrol cars samtang nagpatrolya.
Kini ang nahimong pagpahibaw ni Police Lieutenant Colonel Janette Rafter, deputy director for operations sa CCPO, nga higpit nilang ipatuman ang mga lakang sa pagdaginot aron makatabang sa pagdaginot sa gasolina taliwala sa pagsaka sa presyo.
Matud pa ni Rafter nga bisan og nanghatag og gasolina ang kagamhanan sa dakbayan sa kapulisan, dili nila kini gustong pahimuslan ug gusto gihapon nilang ipatuman ang fuel-saving measures.
Gidugang niini nga stikto ug hugot nilang ipatuman ang mga lakang sa pagdaginot.
Gibutyag usab sa police official nga bisan sa wala pa ang pagsaka sa presyo sa gasolina gipatuman na ang mga lakang sa pagdaginot diin usa sa makatabang mao ang pagpawng sa air conditioning tungod makapagaan kini sa karga sa makina sa sakyanan.
Hiuon, gitino ni Rafter nga dili maka-apekto sa ilang mga operasyon batok sa kriminalidad ang maong lakang.
