Presyo sa buwak misaka karong nagsingabot nga Kalag-kalag

CEBU – Misaka na ang presyo sa mga buwak sugod karung adlawa subay usab sa nagsingabot nga paghandum sa Kalag-Kalag 2022.

Gipahibalo ni Jocelyn Durano, flower vendor sa Interim-Carbon Public Market, nga magkataas ang demand sa mga buwak hayan magkagamay usab ang supply hinungdan nga adunay pagsaka sa presyo niini.

Matud pa, gilauman ang pagdagsa sa mga mamalitay ug buwak karun nang umaabot nga Oktubre 30 hangtud na sa Nobyembre 2.

Gawas sa mga tawo nga mupalit ug buwak arun nga ihalad, giingong adunay mangomprahay usab ug buwak nga ibaligya usab nila sa nagkadaiyang probinsiya.

Tambang ni Durano sa publiko nga mas maayo nga musayo ug palit samtang wala pa’y rush hour ug aduna pa’y mga supply.