CEBU CITY-Gibutyag ni Cebu City Councilor Jerry Guardo, ang chairman sa Committee on Infrastructure, nga nalangay ang ilahang pag-limpyo o pag-reclaim sa 3-meter easement tungod kay magpabayad man ang mga dagko nga istruktura kung adunay maguba.
Matud pa, ang uban nga mga sapa kay natitulohan hinungdan nga natukoran ug mga edipisyo sulod sa dugay na nga panahon.
Gidugang pa ni Guardo nga wala pa makasugod ug guba ang kagamhanan sa dakbayan sa Sugbo human nga mihimo ug legal remedy ang mga tag-iya ug istruktura nga nalapas sa 3-easement zone.
Subay niini, giangkon sa konsehal nga dili malikayan nga magbaha panahon sa ting-uwan tungod kay wala pa mabalik ang gilapdon ug gilagmon sa mga sapa gumikan sa mga informal settlers, ingon man ang mga haligi sa dagkong establisimento nga wala pa masugdan sa pagguba.
