CENTRAL VISAYAS-Ipahigayon sa Department of Labor and Employment sa Central Visayas kun DOLE-7 ang duha ka job fair subay sa selebrasyon sa Independence day karong Hunyo 12.
Matod ni Luchel Taniza, ang tigpamaba sa DOLE-7, nga nakig-partner karon ang DOLE sa Public Employment Services Office kun PESO aron ma organisar ang Kalayaan Job Fair nga ipahigayon dinhi sa Sugbo ingon man ngadto sa Negros Oriental.
Sigon ni Taniza nga moabot mgadto sa 5,245 ka mga bakanteng trabaho ang matanyag sa job fair nga pagahimoon sa Duha ka mga dagkong mall sa Sugbu.
Nasayran nga dinhi sa Cebu City, anaay nagpaabot nga kapin 2,300 ka mga bakanteng trabaho nga gikan sa kapin 30 usab ka mga kompaniya samtang anaa usab sa 2,078 ang vacant jobs nga itanyag didto sa Negros Oriental.
Asoy sa DOLE-7 nga ang mga position nga gitanyag mao ang healthcare associates, retails associates, service crew, social media specialists, customer representatives, ug outbound sales representatives.
Samtang nasayran nga ang mga bakanteng position usab nga gi-tanyag sa Dumaguete City mao ang customer service representatives, production support crew, ug ESL teachers.
