MANDAUE CITY-Temporaryong gitaktak ang 10 ka empleyado nga nagpositibo sa gipahigayon nga kinalit nga drug test sa dakbayan sa Mandaue kaniadtong Hulyo 24, 2023.
Sigun sa Human Management Resources Office sa dakbayan sa Mandaue nga si Damaso Tumulak, nga adunay 10 ka mga empleyado ang ‘dismissed’ karong tuiga human nga nagpositibo sa ilegal nga drugas sa confirmatory test.
Dugang pa ni Tumulak nga kadaghanan sa maong nagpositibo kay mga job order ug adunay duha ka ‘regular’ nga empleyado nga nataktak.
Kahinumduman, nga kapin sa 150 ka mga empleyado sa Public Market Office ang gipakalitan og drug test ang tanang staff sa lainlaing section sa departamento lakip na ang mga market collectors, inspectors, draybers, ug uban pang mga trabahante sa opisina.
Sa pagkakaron, gi-awhag ang tanang personnel nga nagpositibo sa ilegal nga drugas nga mopailawom sa ‘drug rehabilitation program’ sulod sa unom ka buwan.
Gitandi usab ni Tumulak ang nagpositibo karong tuiga ug sa niaging tuig diin adunay nataho nga 15 ka mga personnel ang na temporaryong na-dismiss.
