CEBU CITY-Gihugtan sa Police Region Office 7 ang seguridad alang sa umaabot nga Barangay Election 2023 karong bulan sa Oktubre.
Gikonsiderar sa mga kapulisan nga posibleng mousbaw ang tensyon nga motungha tali o taliwa sa mga partidong politikal ug mga kandidato sa umaabot nga barangay election karong Oktubre 2023.
Ang Police Region 7 niangkon nga ang mga awtoridad sa kapolisan, ubos sa Commission on Elections (COMELEC 7), makugihong nag-andam sa ‘security coverage’ sa maong umaabot nga kalihokan.
Matud pa sa tigpamaba sa Police Regional Office in Central Visayas’ (PRO-7) nga si Police Lieutenant Colonel Gerard Ace Pelare diin giklaro niini nga ang ilahang pagpangandam sa seguridad naglakip sa ‘threat assessment’ sa mga actual participating parties, mga kandidato, ingon man usab sa ilahang mga supporters.
Gihinumdoman ni Police Lieutenant Pelare nga bisan paman nga gamay ang natala kaniadtong Barangay eleksyons 2018 sa
‘election-related violent incidents’ apan wala kini garantiya sa kaluwasan sa umaabot nga eleksyon sa barangay karong tuiga.
