CEBU CITY-Mapasalamaton ang kadagkuan sa DepEd Central Visayas, sa kahapsay sa unang adlaw sa Balik-Eskwela 2023, gahapon Martes, Agosto 29.
Kini ang gitino ni Dr. Salustiano Jimenez, Regional Director sa DepEd 7, ug gidugang nga taliwala sa hulga sa pag-uwan, walay natala nga nagsuspenso sa klase ang mga tunghaan sa Central Visayas.
Sa laing bahin, matud pa ni Jimenez nga maayo ang mga report nga nadawat niini sa pagpahigayon sa klase sa mga tunghaan.
Dugang pa, nga sa pagkakarun nakatala og 1.8 milyon nga enrolled students ang DepEd.
Apan aduna pay daghan nga wala ma-incode sa Learners Information System (LIS), sama sa mga estudyante nga nagskwela sa bukid ug sa isla.
Sa kasamtangan nagpaabot kini sa dugang datos aron makita kung naabot ba ang target nga 2.2 milyon.
