CENTRAL VISAYAS-Gipahibalo ni Chief Epifania ‘Joy’ Suralta sa Consumer Protection Division sa Department of Trade and Industry Central Visayas, nga sa unang adlaw sa pagpatuman sa Executive Order No. 39 gahapon Septiyembre 5, 2023, walay silot nga ipahamtang niadtong dili mosunod sa rice price cap.
Hinoon, ang presyo sa bugas bantayan pag-ayo, ug ang mga tigbaligya sa bugas ipaubos sa profiling.
Base sa directive sa head office sa DTI, magprice monitoring sila sa presyo sa bigas sa tanan nga supermarket ug kauban nila ang Department of Agriculture (DA) mo cover sa tanan nga wet market sa north ug south Cebu.
Dugang pa, nga subay sa kabalaka sa mga seller nga malugi, nabutang sa EO nga adunay mga ayuda alang sa mga apekto nga retailers.
Gawas sa rice monitoring himuan og profiling ang mga rice retailers aron tan-awon kinsa ang angay mahatagan og ayuda aron mafollow ang pagreduce sa mandatory rice ceiling.
Kung kahinumduman, nga ang EO 39, pinetsahan sa Agosto 31, 2023, mi-aprobar sa sugyot ni Presidente Ferdinand “Bongbong” Marcos Jr., kinsa nagsilbi usab nga Kalihim sa Department of Agriculture (DA), ug sa Department of Trade and Industry (DTI) sa pagtakda sa presyo Limitado sa P41 matag kilo ang regular nga gigaling nga bugas ug P45 matag kilo sa well-milled nga bugas.
