-- ADVERTISEMENT --
CEBU CITY-Nagpabiling hapsay ug malinawon ang pagsaulog sa Kalag-Kalag 2023 sa Dakbayan sa Sugbo.
Mao kini ang gitino ni Cebu City Councilor Phillip Zafra, ang pangu sa committee on peace and order sa Dakbayan.
Matod sa opisyal nga “generally peaceful and in order” ang pag-obserbar sa naasoy nga okasyon.
Gibutyag ni Zafra nga sa ilahang pagtutok sa mga sam-ang sa syudad, wala silay natala nga mga bisan unsa nga matang sa insidente, butang nga gikalipay sa konsehal.
Gipasalamatan usab sa opisyal ang presensya sa City Health Department, Cebu City Disaster Risk Reduction and Management Office (CCDRRMO) ug mga sakop sa Cebu City Police Office nga dako og nahimong tabang aron sa pagpahugot sa seguridad sa mga sam-ang sa Dakbayan.
-- ADVERTISEMENT --
